Covid warda paralelo (extra warda)
Pafor di e orarionan normal di trabou di e dokternan di cas, un persona tambe por tin sintoma grave di Covid-19 y/of un pashent cu Covid-19 por tin necesidad pa atencion urgente.
Como e prome persona di contacto pa e pashentnan, e dokternan di cas na Aruba a amplia nan servicionan desde september 2020 pa por yuda guia pashentnan cu Covid-19 mas miho posibel den e pandemia.
E servicio aki ta wordo ofreci di dialuna pa diabierna di 7:00 pm pa 7:00 am y durante henter dia den weekend.
E pashentnan por yama cu e number 166, si nan tin un test positivo di Covid y/of si tin un situacion di urgencia unda e pashent ta mustra di tin sintomanan grave di Covid-19.
Kiko ta pasa despues?
E dokter di cas na warda lo evalua e situacion di e pashent y den mayoria caso esaki ta sosode uzando informacion di e meter pa midi oxigeno cu pashentnan cu Covid-19 ta haya for di nan dokter di cas.
E dokter di cas na warda tambe ta dicidi si un bishita na cas di e pashent ta necesario pa evalua personalmente e pashent of pashent por warda te dia siguiente pa por haya bishita di su mesun dokter di cas.
Den caso di un bishita na cas, e dokter di cas ta haci uso di Rode Kruis pa asina yuda e dokter bisti su paña di proteccion pa asina e dokter no keda contagia cu e virus.
Estadistica Covid warda paralelo
E siguiente grafiek ta muestra e cantidad di biaha cu a yama e dokter di cas (teleconsultanan), e cantidad di pashent cu e doker a bishita (bishita) y e cantidad di biaha cu e dokter mester a ingresa un pashent den hospital (pashentnan ingresa). E grafiek, den cual e olanan di Covid ta claramente registra, ta un representacion di e periodo september 2020 – october 2021.
