Educacion acredita na IMSAN
E programa pa bira dokter di cas na Aruba (HOVUMC) a inicia na 2009 como parti di un proyecto pa fortalece e cuido di dokter di cas. E ta un iniciativa di e Ministerio di Salubridad di Aruba y a wordo desaroya door di e programa pa bira dokter di cas na VU Medical Center Amsterdam den colaboracion cu e Departamento di Salud Publico y HAVA. Actualmente, e programa pa bira dokter di cas na Aruba ta situa na centro medico “Instituto Medico San Nicolas” (IMSAN).
Un dokter basico por sigui e educacion specialisa di 3 aña pa bira un dokter di cas. Esaki ta consisti di (promedio) un dia di scol pa siman y 4 dia di stage na e consultorio.
E programa ta cumpli completamente cu e rekisitonan di e programa hulandes pa bira dokter di cas y, ora finalisa esaki, e dokter mester registra pa AruBIG (e registro di Aruba pa e Profesionnan di Salud Publico).
E diploma tambe ta valido na Hulanda, lo cual ta hasi registro pa BIG posibel.
E programa di HOVUMC ta wordo unicamente ofreci full-time. Ta posibel pa haya vrijstelling pa parti di e programa a base di educacion y experiencia anterior. E dominio di e lenga natal Papiamento y/of Spaño ta un bentaha.
Durante e programa un tin un contract di empleo cu IMSAN y AZV (“Algemene Ziektekosten Verzekering” cu ta e traduccion den hulandes pa Seguro Medico General na Aruba).
Pa mas informacion tocante HOVUMC, por contact Sra. Wever via email k.wever@imsan.aw.
